काठमाडौं, २७ असोज । कर्णाली प्रदेशका मुख्यमन्त्री महेन्द्रबहादुर शाहीले नेपाल कम्युनिस्ट पार्टी (नेकपा) कर्णाली प्रदेशको प्रमुख सचेतकमा कुर्मराज शाहीलाई नियुक्त गरेका छन् ।
कालीकोटबाट निर्वाचित सांसद कुर्मराज उनीविरुद्धको अविश्वास प्रस्तावमा हस्ताक्षर गर्ने मध्येकै सांसद हुन् । उनी माधवकुमार नेपाल लाइनका भनेर चिनिन्छन् । मंगलबार पार्टीका वरिष्ट नेता माधवकुमार नेपाल समूहका नेताहरुको सहमतिअनुसार कुर्मराजलाई सचेतकमा नियुक्त गरिएको बताइएको छ ।
मुख्यमन्त्री शाहीले आइतबारमात्र प्रमुख सचेतक रहेका कँडेल पक्षका गुलाबजंग शाहीलाई पदमुक्त गरी उक्त स्थानमा सीता नेपालीलाई जिम्मेवारी दिएका थिए । नेपाली यसअघि सचेतक थिइन् ।
अविश्वासको प्रस्तावमा हस्ताक्षर गर्नेमध्येका १८ जनामध्ये ७ जना नेपाल पक्षका, ८ जना अध्यक्ष केपी ओली पक्षका र ३ जना अध्यक्ष पुष्पकमल दाहाल पक्षका छन् ।
यी समाचारहरू पनि पढ्नुहोस्–
- किन रोकियो मुख्यमन्त्री शाहीविरुद्धको अविश्वास प्रस्ताव ?
- कर्णालीमा अविश्वासको प्रस्ताव अघि नबढाउन सुवास नेम्वाङको सुझाव
- नेकपा प्रदेश विवाद : निलम्बित प्रमुख सचेतकले बोलाए दलको बैठक
- कर्णाली प्रदेशका मुख्यमन्त्री शाहीले हटाए संसदीय दलका प्रमुख सचेतक
- कर्णाली प्रदेशको समस्या समाधान गर्न ओलीलाई प्रचण्डको आग्रह
- प्रधानमन्त्री ओलीलाई भेट्न किन पुगे प्रचण्ड बालुवाटार ?
प्रतिक्रिया