कालिकोट, २८ भदौ । कालिकोट जिल्लामा मोबाइलको ब्याट्री चार्ज गर्ने क्रममा ब्याट्री पड्कन गइ दुई बालकको मृत्यु भएको छ ।
मेहलमुडी–२ जोगीबारा बस्ने पदमनाथ योगीका छोरा १४ वर्षीय चनेसनाथ योगी र सोही ठाउँ बस्ने हरिनाथ योगीका छोरा १३ वर्षीय माननाथ योगीको मोबाइल चार्ज गर्ने क्रममा सोलारको ब्याट्री पड्कन जाँदा शनिबार घटनास्थलमै मृत्यु भएको हो ।
मेहलमुडी–२ जोगीमारामा सकेट बमजस्तो देखिने बस्तु बिष्फोट हुँदा २ बालकको मृत्यु भएको भन्ने खवर प्राप्त भएपछि गएको प्रहरीले बुझ्दा पदमनाथ योगीको घरमा अन्य मानिस नभएको अवस्थामा १२ भोल्टको ब्याट्रीमा मोवाइल चार्ज गर्दा उक्त घटना भएको प्रहरी भनाइ छ ।
मोबाइल चार्ज गर्दा दुई बालकको मृत्यु भएको सम्बन्धमा प्रहरीले थप आवश्यक अनुसन्धान गरिरहेको जनाएको छ ।
प्रतिक्रिया