ठूला दलले देशलाई डुबाए : बिजुक्छे

काठमाडौं, २७ भदौ । नेपाल मजदुर किसान पार्टीका अध्यक्ष नारायणमान बिजुक्छेले मुलुकको वर्तमान राजनीतिक समस्याको जड ठूला राजनीतिक दलको भएको आरोप लगाउनुभएको छ ।

आइतबार दिउँसो २ बजेबाट सुरु भएको संविधानसभाको बैठकमा बोल्दै बिजुक्छेले नयाँ दिल्लीमा भएको १२ बुँदे सहमतिका साक्षीहरुबीच भएको १६ बुँदे सहमतिले समस्यालाई सल्टाउनुको साटो झन् झन् मुलुकलाई अप्ठ्यारो परिस्थितितिर धकेलेको र विदेशी हस्तक्षेप बढ्दै गएको बताउनुभयो ।

संविधान निर्माणमा आफूहरुले राखेको प्रस्तावलाई अस्वीकृत गरिएकामा उहाँले असहमति जनाउनुभयो । रासस