सुशील, केपी र प्रचण्डलाई बाबुरामको सुझावः थारु र मधेसीलाई वार्तामा ल्याउन दुई-चार दिन पर्खिनु बुद्धिमानी

काठमाडौं, २५ भदौ । एकीकृत नेकपा माओवादीका वरिष्ठ नेता डा बाबुराम भट्टराईले प्रमुख तीन दलका शीर्ष नेतालाई संविधान निर्माण प्रक्रिया रोक्नु नै अहिले बुद्धिमानी भएको सुझाव दिएका छन् ।

सामाजिक सञ्जालमार्फत बाबुरामले ‘प्रमुख राजनीतिक दलहरूले २(४ दिन पर्खेर असन्तुष्ट पक्षहरुलाई वार्तामा ल्याएर वा उनीहरूका सरोकारहरूलाई संवोधन गरेर संविधान पारितरजारी गर्नु वुद्धिमानी र देशको दीर्घकालीन हितमा हुनेछ ।’ भनेका छन् ।

यस्तो छ प्रमुख तीन नेतालाई बाबुरामको सुझाव :

अंग्रेजीमा एउटा भनाइ छ- ‘ You should not only be good. You should appear to be good.’ (असल भएर मात्र हुन्न; असल देखिनु पनि पर्छ)

संविधानसभाबाट संविधान बनेर जारी हुने दिन नजिकिदै जानु सबै नेपालीको निम्ति खुशी र गर्वको कुरा हो! अव संविधान कुनै पनि वहानामा कसैले पनि रोक्न सक्दैन र रोक्न दिन पनि हुँदैन! यो अत्यन्त असल कुरा हो!

तर संसबाट संविधान निर्माण जस्तो युगान्तकारी महत्वको विषयमा देशका धेरै भन्दा धेरै राजनीतिक शक्ति र समूहको स्वामित्व र अपनत्व हुनु राम्रो र वान्छनीय हुन्छ! यति वेला संसभित्रकै १०-१२ दल यसबाट वाहिरिएका छन्! तराई/ मधेस लगायतको देशको ठुलो भूभाग र जनसंख्या झण्डै एक महिनादेखि आन्दोलन र कर्फ्यू/निषेधाज्ञाको चपेटामा छन्! दर्जनौंको ज्यान गैसकेकोछ! यो असल देखिएको छैन!