ला लिगा: एट्लेटिकोले हरायो घरेलु टोली रियल बेटिसलाई

काठमाडौं, ७ कात्तिक । एट्लेटिको मड्रिडले ला लिगा फुटबलमा घरेलु टोली रियल बेटिसलाई पराजित गरेको छ ।

आइबार राति भएको खेलमा एट्लेटिकोले २ १ गोलको जित निकालेको हो । एट्लेटिकोको जितमा ग्रिजम्यानले दुवै गोल गरेका थिए ।

उनले खेलको ५४ औं मिनेटमा एट्लेटिकोलाई सुरुवाती अग्रता दिलाएका थिए । ७१ औं मिनेटमा उनले एट्लेटिकोको लागि दोस्रो गोल थपे ।

जित सहित एट्लेटिको ११ खेलबाट २३ अंक जोड्दै तालिकाको तेस्रो स्थानमा उक्लिएको छ । रियल बेटिस २० अंक सहित तालिकाको पाँचौ स्थानमा छ ।