काठमाडौँ, ६ पुस । प्रधानमन्त्री केपी शर्मा ओलीले अब आमनिर्वाचनको तयारीमा लाग्न अनुरोध गरेका छन् ।
सोमबार दिउँसो जनताका नाममा सम्बोधन गर्दै प्रधानमन्त्री ओलीले सरकारमाथि असहयोग र घेराबन्दीका कारण संसद विघटन गरी जनताको बीचमा जानु परेको बताउँदै नयाँ जनादेशका लागि सबैलाई तयारी गर्न भनेका हुन् ।
‘निर्वाचनमा जाँदा संविधान अप्ठ्यारोमा पर्छ, लोकतन्त्र संकटमा पर्छ र मुलुक अस्थिरतातर्फ धकेलिन्छ भनेर चलाउन खोजिएका प्रचार र भ्रमहरु निराधार छ’ उनले भने, ‘राजनीतिक स्थिरताको प्रत्याभूति गर्ने निर्णायक तत्व जनताको अभिमत हो । तसर्थ कुन कुरामा नअल्मलिई आम निर्वाचनको तयारीमा जुट्न आहृवान गर्दछु ।’
प्रधानमन्त्री ओलीले आम निर्वाचनको जनादेश र जनभावनाविपरीत राष्ट्रिय राजनीतिमा अर्थहीन र अन्त्यहीन सिर्जना गरेपछि निर्वाचनको घोषणा गरिएको बताए ।
प्रतिक्रिया