मोरङका कोरोना संक्रमितको धरानमा मृत्यु

सुनसरी, २८ साउन । मोरङको बुढीगंगा गाउँपालिका–२ का ५५ बर्षिय पुरुषको कोरोना संक्रमणका कारण मृत्यु भएको छ । बीपी कोइराला स्वास्थ्य विज्ञान प्रतिष्ठान धरानमा उपचारका क्रममा उनको बुधबार मृत्यु भएको हो ।

श्वाश्सप्रश्वासमा समस्या र ज्वरो देखिएका पुरुषलाई गम्भिर अवस्थामा २६ साउनमा बीपी कोइराला स्वास्थ्य विज्ञान प्रतिष्ठान धरानमा भर्ना गरिएको थियो ।

उपचारका क्रममा बुधबार बिहान १ः२० मा मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए । श्वासप्रश्वासमा समस्या देखिएपछि आफन्तले २६ साउनमा कोशी अस्पताल लगेका उनलाई वीपीमा रिफर गरिएको थियो ।