पोखरा, ५ साउन । नेपाली नारीहरुका लागि विशेष व्रतको महीना साउन शुरु भए पनि यो वर्ष अधिकांश मठमन्दिरहरु बन्द हुँदा श्रद्धालुहरुले मन्दिरमा पूजापाठ गर्न पाएका छैनन् ।
कोरोना भाइरसको संक्रमणको त्रासमा गत चैतदेखि बन्द मन्दिरहरु अझै खुलेका छैनन् ।
आज साउन महीनाको पहिलो सोमबार भए पनि काठमाडौंको पशुपतिलगायत सबै शिवालय मन्दिरहरु बन्द रहे ।
श्रद्धालुहरुले मन्दिरबाहिरैबाट दर्शन गरेर फर्किका भएका पनि पोखराको केदारेश्वर महादेवको मन्दिरमा भने पाइपमार्फत महादेवलाई दूध चढाउने व्यवस्था गरिएको छ ।
मन्दिरको गेटबाट मन्दिरभित्र अवस्थित शिललिंगसम्म पाइप जडान गरी श्रद्धालुले चढाएको दूध शिवलिंगसम्म पुग्ने व्यवस्था गरिएको हो ।
मन्दिरको मुख्य गेटदेखि शिवलिंगसम्म पाइपले जोडिएको छ । जसमा गाईघाटदेखि जल लिएर पुगेका श्रद्धालुहरुले पाइपमार्फत आसुतोष भगवान शिवलाई जल चढाइरहेका छन् ।
प्रतिक्रिया