यस्तो देखियो होलीको रौनक (फोटोफिचर सहित)

काठमाडौं, २१ फागुन । प्रत्येक वर्षको फागुन शुक्ल पूर्णिमाका दिन मनाइने रङहरूको चाड फागुपूर्णिमा आज राजधानी लगायतका पहाडी भेगमा हर्ष र उल्लासका साथ मनाइएको छ ।

वसन्त ऋतुको आगमनको उल्लाससँगै फागुन महिनामा मनाइने यो पर्व एकार्कामाथि विभिन्न प्रकारका रङहरू लगाइदिएर मनाइन्छ ।

काठमाडौँको वसन्तपुर र ठमेल क्षेत्रमा विभिन्न सङ्घसंस्थाको आयोजनामा होली मनाइएको छ । ठमेललगायत क्षेत्रमा विदेशी पर्यटकले पनि रमाइलोका साथ होली मनाएका छन् ।

राजधानीमा होलीका कारण आज सवारी साधन सीमित मात्रामा चलेका भए पनि विगतका वर्षमा भन्दा यस वर्ष भव्य र सभ्य रुपमा होली मनाइएको सर्वसाधारणको धारणा छ ।

फागुन शुक्ल अष्टमीको दिन काठमाडौँको वसन्तपुर दरबार अगाडि चीर (विशेष रूपले सजाएको लिङ्गो) गाडेपछि होली सुरु भएको मानिने र पूर्णिमाको रातमा उक्त चीर ढालेर जलाएपछि समाप्त भएको मानिन्छ । हेर्नुहोस् राजधानीको होली उमंग तस्विरहरुमा ।

तस्विरहरु : राससबाट ।