काठमाडौं । एमाले महासचिव ईश्वर पोखरेलको स्वास्थ्यमा सुधार आएको छ ।
टोखारोडस्थित ग्रान्डी अस्पतालमा भर्ना भएका महासचिव पोखरेलको स्वास्थ्यमा सुधार आएको उपचारमा संलग्न डा। प्रेम ज्ञवालीले जानकारी दिनुभयो ।
पिसाव नलीमा संक्रमण भएपछि महासचिव पोखरेललाई मंगलबार राति अस्पताल भर्ना गरिएको थियो । उहाँ एक सातादेखि अस्वस्थ हुनुहून्थ्यो । युरिनरी ट्रयेक्ट इन्फेक्सन पीडित पोखरेललाई शुक्रबारसम्म अस्पतालमै बस्न चिकित्सकहरुले सुझाव दिएका छन् ।
पार्टीको आसन्न महाधिवेशनको दौडधुपका कारण ठीक समयमा खाना र पानीको सन्तुलन मिलाउन नसक्दा महासचिव पोखरेल बिरामी पर्नुभएको हो । ठीकै निको भएर महाधिवेशनको तयारीमा लाग्ने उहाँलेले बताउनुभएको छ ।
एमाले अध्यक्ष झलनाथ खनालसहितका नेताहरु ग्रान्डी अस्पताल पुगी महासचिव पोखरेलको स्वास्थय अबस्थाबारे जानकारी लिनुभएको छ ।
प्रतिक्रिया