महिलाद्वारा उत्पादित कपडा प्रवद्र्धन गर्ने प्रतिबद्धता

ललितपुर, ९ पुस । खानेपानीमन्त्री बीना मगरले नेपाली महिलाद्वारा उत्पादित कपडा प्रवद्र्धन गर्न आफूले सक्ने सहयोग गर्ने प्रतिबद्धता व्यक्त गरेकी िछन ।

नेपाल उद्यमशील महिला महासङ्घले आइतबार ललितपुरमा आयोजना गरेको ‘राष्ट्रिय उद्यमशील महिला मेला, २०७५’ को समापन गर्दै उनले सरकारमा रहेका महिलामन्त्रीले महिला उद्यमीद्वारा उत्पादित कपडा लगाएर प्रवद्र्धन गर्ने उद्देश्य राखेको बताइन ।

उनले महिला उद्यमीका उत्पादन आधुनिक बनाउँदै जानुपर्नेमा समेत जोड दिइन । उनले भनिन, ‘महिला उद्यमी उत्पादन गर्दै जानुहोस् बजारीकरणको काम गर्न हामी तयार छौँ ।’

महासङ्घका अध्यक्ष देविका बुढाथोकीले देशभरमा महिला उद्यमीको सङ्ख्या बढिरहेको बताइन । स्थानीय तहसँग सहकार्य गरेर महिला उद्यमीले थप दक्ष बन्न सक्छन् । उनले भनिन, ‘स्थानीय तहले महिला उद्यमी लक्षित कार्यक्रम गर्नुपर्छ ।’

चार दिन अघि शुरु भएको मेला आइतबार सकिएको हो । मेलामा २० हजारले स्टल अवलोकन गरेको र रु २५ लाखको कारोवार भएको महासङ्घले जनाएको छ ।