कावासोती, २७ मंसिर । दुवै मृगौला फेल भई उपचारगराईरहेकी गैंडाकोट निवासी राममाया रानाभाटलाई रानाभाट तथा भाट समाज नेपाल कावासोती नगरसमितिले आर्थिक सहयोग गरेको छ ।
विगत ३ महिनादेखि उपचारार्थ रानाभाटलाई जिल्लाका बरिष्ठ उपाध्यक्ष सन्त रानाभाटको संयोजकत्वमा कावासोती नगरकमिटिका अध्यक्ष सम्मर रानाभाटको सक्रियतामा ९ हजार ८ सय रुपैया नगर संकलन गरी बिहीबार हस्तान्तरण गरिएको हो ।
कावासोती युथ परिचालक कमिटीका अध्यक्ष बेटटु रानाभाट, देबचुली युथ कमिटीका अध्यक्ष प्रविन रानाभाट र सचिव राजु रानाभाटसहितको उपस्थितिमा बिहीबार उनलाई सो रकम हस्तान्रण गरिएको हो ।
यस्तै रानाभाटलाई कतारमा रहेका रानाभाटहरुले पनि आर्थिक सहयोग गरेका छन् । रुक रानाभाटको सक्रियतामा कतारमा संकलन भएको ३० हजार नगद सहयोग गरेका हुन् ।
नगद सहयोग गर्दै रानाभाटको शिघ्र स्वास्थ्य लाभको कामनासमेत गरेका छन् ।
प्रतिक्रिया