चितुवा खोज्न प्राविधिक तनहुँमा

गत कात्तिक २८ गते उक्त नगरपालिकाको वडा नं ४ जोखाने निवासी चार वर्षीया बालिका रञ्जिता लम्सालको चितुवाको आक्रमणबाट मृत्यु भएपछि जिल्ला प्रशासन कार्यालयले चितुवा खोज्न प्रहरी परिचालन गरी चार दिन खोज्दासमेत नभेटिएपछि संरक्षण कोषका प्राविधिक मङ्गलबार तनहुँ आइपुगेका हुन् ।

संरक्षण कोषबाट आएका प्राविधिकले मङ्गलबार भानुको जङ्गलमा खोर राखे पनि त्यहाँ चितुवा नआएकाले बुधबार पुनः जोखानेको जङ्गल क्षेत्रमा अर्को खोर राखिएको जिल्ला वन कार्यालयका प्रमुख केदार बरालले जानकारी दिनुभयो ।यसअघि विसं २०७४ फागुन १ गते वडा नं ३ दोरदोरका छ वर्षीय विशाल श्रेष्ठको चितुवाको आक्रमणबाट मृत्यु भएको थियो भने गत मङ्सिर १ गते पनि वडा नं २ निवासी सात वर्षीय सन्जन नेपाली घाइते भएका थिए । –रासस