ठगी मुद्दाका फरार प्रतिबादी पक्राउ  

काठमाडौं, ४ मंसिर । ठगी मुद्दाका फरार प्रतिवादी भक्तपुर सिपाडोलका सरोज तामाङलाई प्रहरीले  काठमाडौंको सुन्दरीजलबाट पक्राउ गरेको छ ।

भक्तपुर जिल्ला अदालतको २०७२  बैशाख ६ गतेको फैसलाले तामाङलाई  ५ लाख २५ हजार रूपैयाँ जरीवाना र ६ महिना कैद हुने ठहर गरेको थियो ।

प्रहरीकाे केन्द्रीय अनुसन्धान ब्युरोको टोलीले तामाङलाई पक्राउ गरी  फैसला कार्यान्वयनको लागि भक्तपुर जिल्ला अदालतमा पेश गरेको छ । उनलाई कैद भुक्तानको लागि मंगलबार कारागार कार्यालय डिल्लीबजारमा पठाईएको छ ।