टोखा नगरपालिकामा माओवादीलाई धक्का, चर्चित स्थानीय नेता एमालेमा प्रवेश

काठमाडौं, ७ वैशाख । काठमाडौंको टोखा नगरपालिकामा माओवादी केन्द्रका चर्चित नेता एमालेमा प्रवेश गरेका छन् ।

टोखा नगरपालिका– १० निवासी राजकुमार महर्जनसहित २ दर्जन बढी माओवादी कार्यकर्ता एमालेको युवा संघमा प्रवेस गरेका हुन् ।

युवा संघ नेपालका उपत्यका इन्चार्ज निरेशलाल सिंहले माओवादी केन्द्रका नेताहरूलाई एमालेमा प्रवेश गराएका हुन् ।

महर्जनकै नेतृत्वमा एमाले ३५ सदस्यीय वडा कमिटी पनि गठन गरिको एमालेले जनाएको छ ।

टोखा नगरपालिकामा माओवादी नेता दीनानाथ शर्माकी छोरी कल्पना शर्मालाई मेयरमा उम्मेदवार बनाए लगत्तै असन्तुष्ट स्थानीय नेताहरूले पार्टी छाडेर एमालेमा प्रवेश गरेका हुन् ।