कायरो, २७ चैत । इजिप्टको टान्टा सहरमा रहेको चर्चमा आइतबार बम विस्फोट गराइएको छ ।
विस्फोटनमा परी कम्तीमा २१ जनाको मृत्यु भएको इजिप्टको सरकारी सञ्चार माध्यमले जनाएको छ । घटनामा अन्य ५९ जना घाइते भएका छन् ।
स्थानीय समयानुसार आइतबार बिहान १० बजे सो विस्फोट भएको थियो । घटनास्थल कायरोदेखि १२० किलोमिटर उत्तरतर्फ पर्दछ ।
यसैबीच पाकिस्तानको पञ्जाव प्रदेशमा पाँच जना लडाकू र एक जना सुरक्षाकर्मी मारिएका छन् ।
पञ्जावको देरा घाजी खान जिल्लामा सुरक्षाफौजले गरेको विषेश सुरक्षा कारबाहीका क्रममा भएको दोहोरो झडपमा परी पाँच जना आतङककारीको मृत्यु भएको सेनाले जनाएको छ ।
सरकार विरोधी गतिविधि गरिरहेकाहरुका विरुद्धमा सरकारले देशभरी सुरक्षा कारबाही तीब्र बारेको छ । एएफपी/सिन्ह्वा
प्रतिक्रिया