काठमाडौं, २७ पुस । मन्त्रालयका नियमित एजेण्डाहरूमा छलफल गर्नका लागि मन्त्रिपरिषदको बैठक आज बस्दैछ ।
बिहान एघार बजे सिंहदरबारमा बस्ने बैठकमा राष्ट्रिय भूकम्प पुनःनिर्माण प्राधिकरणका कार्यकारी निर्देशक सुशील ज्ञवालीको स्पष्टीकरणका विषयमा छलफल हुनेछ । सरकारले ज्ञवालीसँग दुई पटक स्पष्टीकरण सोधेको छ ।
ज्ञवालीको कार्यसम्पादनमा चित्त बुझाउन नसकेको सरकारले उनलाई हटाएर नयाँ कार्यकारी निर्देशक नियुक्ति गर्ने मुडमा छ ।
स्रोतका अनुसार कार्यकारी निर्देशकमा राष्ट्रिय योजना आयोगका पूर्व उपाध्यक्ष गोविन्द पोखरेललाई नियुक्त गर्ने तयारीमा सरकार जुटेको छ ।
मन्त्रिपरिषद बैठकमा केही मन्त्रालयहरूका महत्वपूर्ण निर्णय हुन सक्ने स्रोतको भनाइ छ ।











प्रतिक्रिया