काठमाडौं । सरकारले राष्ट्रिय योजना आयोगको उपाध्यक्षमा डा. गोविन्दराज पोखरेललाई नियुक्त गरेको छ ।
प्रधानमन्त्रीको कार्यालय सिंहदरबारमा बिहीबार बिहान बसेको मन्त्रिपरिषदको बैठकले पोखरेललाई नियुक्त गरेको हो । पोखरेल यसअघि बैकल्पिक उर्जा केन्द्र ललितपुरमा कार्यरत थिए ।
मन्त्रिपरिषद बैठकले मुलुकभर थप ७२ नगरपालिका गठनको प्रस्तावमा पनि स्वीकृति दिएको छ ।
त्यसैगरी पछिल्लो समय विराटनगरमा महामारीको रुपमा फैलिएको जन्डिस लगायतका रोग नियन्त्रणका लागि जिल्लामा प्रमुख जिल्ला अधिकारी र केन्द्रमा मुख्य सचिवलाई समन्वय गर्ने जिम्मेवारी दिने निर्णय पनि मन्त्रिपरिषद बैठकले गरेको छ ।
मन्त्रिपरिषदले एसियन विकास बैंकबाट प्राप्त ३ अर्ब रकमलाई समेत स्वीकृत गरेको छ ।
प्रतिक्रिया