काठमाडौं, १३ भदौ । नेपालको यु–२३ राष्ट्रिय फुटबल टोलीले मैत्रीपूर्ण खेलमा बंगलादेशसँग प्रतिस्पर्धा गर्दैछ ।
खेल नेपाली समयअनुसार दिउँसो पौने ४ बजे सिलेटमा हुँदैछ ।
दक्षिण कोरियामा हुन लागको १७ औं एसियाली खेलकुद एसियाडको तयारीका लागि नेपालले बंगलादेशसँग प्रतिस्पर्धा गर्न लागको हो ।
यसअघि गत मंगलबार भएको पहिलो मैत्रीपूर्ण खेलमा नेपाल १–० ले पराजित भएको थियो ।
एसियाडमा समूह ‘डी’ मा रहेको नेपालले साविक विजेता जापान, पूर्व विजेता इराक र दुई पटकको उपविजेता कुवेतको सामना गर्नेछ ।
यसअघि एसियाडमा पाँच खेल खेलेको नेपालले पाँचै खेलमा हार भोगेको छ । सन् १९८२ देखि १९९८ सम्मको यसियाडमा लगातार पाँच सहभागितामा पाँचैपटक हार भोगेको थियो ।
नेपाल १६ वर्षपछि पहिलो पटक एसियाडमा सहभागिता जनाउँदै छ ।
प्रतिक्रिया