काठमाडौँ, १६ साउन । अख्तियार दुरुपयोग अनुसन्धान आयोगले भ्रष्टाचार र अनियमितता भएको आशंकामा पर्यटन बोर्डमा छापा मारी सबै कागजात नियन्त्रणमा लिएको छ ।
अख्तियारले यसअघि नै पर्यटन बोर्डका फाइलहरु मागेर छानविन थालेको थियो ।
बोर्डमा कायमुकायम कार्यकारी प्रमुख सुवाष निरौलाले भ्रष्टाचार र अनियमितता गरेको आरोप लगाउँदै पर्यटन व्यवसायी आन्दोलनमा छन्।
उनीहरुले बोर्डमा भएको भ्रष्टचार र अनियमितता छानविन हुनुपर्ने र दोषीलाई कारबाही गर्नुपर्ने माग राखेपछि पर्यटन मन्त्रालयले छानविन समिति गठन भएको थियो ।
अनुसन्धानको क्रममा बोर्डबाट आएका कागजपत्र संकास्पद भएको देखिएपछि अख्तियारले बिहीबार बोर्डमा पसेर सबै फाइलहरु नियन्त्रणमा लिएको हो ।
अख्तियारले विहान ११ बजेदेखि ५ बजेसम्म बोर्डका कागजपत्र खोजेको थियो ।
प्रतिक्रिया