योग गुरु रामदेवको निमन्त्रणामा कांग्रेस उपसभापति पौडेल सोमबार भारत जाने

काठमाडौं, १९ पुस । नेपाली कांग्रेसका उपसभापति रामचन्द्र पौडेल सोमबार भारत भ्रमणमा जानुहुने भएको छ ।

पतञ्जली योग पिठका योग गुरु रामदेवको निमन्त्रणमा पौडल सोमबार बिहानै नयाँ दिल्ली जानुहुने भएको हो । बिहान ८.४० बजे भारत जान लाग्नुभएका पौडेलको धार्मिक साथै राजनीतिक भेटघाट हुने कार्यक्रम छ ।

चारदिने भ्रमणका क्रममा पौडेलले भारतीय प्रधानमन्त्री नरेन्द्र मोदीसहित उच्च राजनीतिक नेतृत्वसँग भेट्ने कार्यक्रम छ ।
यसअघि उपप्रधान तथा परराष्ट्रमन्त्री कमल थापा गुरु श्री श्री रविशंकरको निमन्त्रणमा भारत भ्रमणमा गएका थिए ।