बुटवल । व्यवसायिक क्षेत्रमा व्यस्त रहेका बुटवलका युवा गोकुल भण्डारी पछिल्लो समय विभिन्न सामाजिक तथा मानवीय अभियानमा समेत सक्रिय देखिएका छन् । व्यक्तिगत कामसँगै सामाजिक गतिविधिमा समय दिँदै आएका भण्डारी विपद्का बेला राहतदेखि सरसफाइ, रक्तदान र शैक्षिक सहयोगसम्मका अभियानमा सहभागी हुँदै आएका हुन् ।
हालै बाढी प्रभावित क्षेत्रमा सञ्चालन गरिएको राहत अभियानमा समेत भण्डारी प्रत्यक्ष रूपमा सहभागी भएका थिए । प्रभावित परिवारका लागि आवश्यक सामग्री सम्बन्धित स्थानसम्म पुर्याउने तथा वितरण गर्ने काममा उनले स्वयंसेवकका रूपमा भूमिका निर्वाह गरेका थिए ।
स्थानीयस्तरमा सञ्चालन हुने सरसफाइ अभियानमा पनि उनको सहभागिता रहने गरेको छ । सार्वजनिक स्थलको सफाइ तथा वातावरण संरक्षणलाई केन्द्रमा राखेर हुने अभियानमा सहभागी हुँदै उनले स्थानीय समुदायसँगै काम गर्दै आएका छन् ।
भण्डारी रक्तदानलगायत मानवीय सेवासँग जोडिएका कार्यक्रमहरूमा पनि सहभागी हुँदै आएका छन् । त्यस्ता कार्यक्रमको व्यवस्थापन तथा स्वयंसेवी काममा सहयोग गर्ने गरेको उनी निकट स्रोतको भनाइ छ ।
यसैगरी, आवश्यकतामा रहेका व्यक्तिका लागि खानेपानीको व्यवस्था, विद्यार्थीलाई शैक्षिक सामग्री सहयोग, विपद् प्रभावितलाई राहत तथा अन्य सामाजिक गतिविधिमा समेत उनको संलग्नता रहँदै आएको छ ।
उनको सामाजिक सक्रियता कुनै एक क्षेत्रमा मात्र सीमित नभई आवश्यकता र परिस्थितिअनुसार फरक–फरक अभियानमा केन्द्रित हुने गरेको देखिन्छ । विशेषगरी विपद्का समयमा प्रत्यक्ष रूपमा प्रभावित क्षेत्रमा पुगेर सहयोग गर्ने गतिविधिमा उनी सहभागी हुँदै आएका छन् ।
व्यवसायसँगै सामाजिक गतिविधिमा पनि समय दिँदै आएका भण्डारीले युवाहरूलाई सामाजिक काममा जोडिन आवश्यक रहेको धारणा राख्दै आएका छन् । आफ्नो समय र क्षमताको केही हिस्सा समुदायको हितमा लगाउन सके स्थानीयस्तरमै सकारात्मक परिवर्तन ल्याउन सकिने उनको बुझाइ छ ।
स्थानीय सामाजिक अभियानमा युवाको सहभागिता बढिरहेका बेला भण्डारीको निरन्तर सक्रियतालाई पनि त्यसैको एउटा उदाहरणका रूपमा लिन सकिन्छ । आगामी दिनमा समेत विभिन्न सामाजिक तथा मानवीय गतिविधिलाई निरन्तरता दिने उनको योजना रहेको बताइएको छ ।
प्रतिक्रिया