काठमाडौं । भारतको कक्रोज जनता पार्टी (सीजेपी)ले राजधानी नयाँ दिल्लीको जन्तर मन्तरमा आजको विरोध प्रदर्शन सकिएको जानकारी गराएको छ ।
शनिबार बिहान ९ बजेबाट सुरु भएको प्रदर्शन अपरान्ह ३ सकिएको हो ।
आजको प्रदर्शन सकिएपछि पार्टीका संस्थापक अभिजीत दीपकले एक वर्षपछि आज आफ्ना आमाबाबुलाई भेट्न घर जान लागेको जानकारी गराएका छन् ।
दीपकले विगत १५ दिनमा आफूले धेरै पीडा भोगेको र धम्कीका कारण घर छोड्नु परेको बताए । आजको विरोध केवल एउटा ट्रेलर मात्र भएको उनको भनाइ थियो ।
यसअघि दीपकले शिक्षामन्त्री धर्मेन्द्र प्रधानले साँझ ५ बजेसम्म राजीनामा दिनुपर्ने बताएका थिए । दीपकले शिक्षामन्त्रीले राजीनामा नदिए आजको प्रदर्शन देशभर हुने चेतावनी दिएका थिए ।
पार्टीले अर्को शनिबार जुन १३ मा जन्तर मन्तरमै फेरि विरोध प्रदर्शन गर्ने घोषणा गरेको छ ।
भारतीय सञ्चारमाध्यमहरुका अनुसार, पार्टीले साँझ ५ बजेसम्म जन्तर मन्तरमा विरोध प्रदर्शन गर्ने अनुमति पाए पनि दीपक र अभियन्ता सोनम वाङचुक अपरान्ह ३ बजे नै प्रदर्शनस्थलबाट निस्किएका थिए । त्यसपछि आजको विरोध कार्यक्रम सकिएको थियो ।
प्रदर्शन कार्यक्रमका लागि दीपक आजै बिहान अमेरिकाबाट दिल्ली आएका थिए ।
दीपक विमानस्थलबाट सिधै प्रदर्शनस्थल जन्तर मन्तर पुगेका थिए ।
यो पनि :
कक्रोज जनता पार्टीले आज दिल्लीमा विरोध प्रदर्शन गर्दै, यस्तो छ संस्थापक दीपकको अपील
कक्रोज जनता पार्टीका संस्थापक अमेरिकाबाट दिल्ली आइपुगे, १ घण्टापछि विमानस्थलबाट बाहिरिए
दिल्लीमा हजारौँको संख्यामा कक्रोज जनता पार्टीको प्रदर्शन, मागियो मोदीको राजीनामा (भिडियोसहित)
प्रतिक्रिया