जुम्ला, १६ असार । पहिरोले कर्णाली राजमार्ग अवरुद्ध भएको छ । कालिकोटको गगने खोलामा रातिदेखिको लगातार वर्षासँगै ठूला ढुंगासहितको पहिरो जाँदा राजमार्ग अवरुद्ध भएको जिल्ला प्रहरी कार्यालय कालीकोटले जनाएको छ ।
प्रहरीका अनुसार गगने खोलामा बिहान ६ बजेदेखि सडक बन्द भएको हो ।
सडक खुलाउन हेभी मेसिनसहित जनशक्ति परिचालन गरिएको सडक डिभिजन जुम्लाका प्रमुख दिपेन्द्र चौधरीले जानकारी दिए ।
वर्षा भइरहेकाले सडकको अवस्था बुझेर मात्र यात्रा गर्न सडक डिभिजनले यात्रुहरूलाई आग्रह गरेको छ ।
सडक अवरुद्ध हुँदा जुम्लादेखि सुर्खेत, नेपालगन्जतर्फ जाने मालबाहक र यात्रुबाहक सवारी साधन रोकिएका छन् ।
प्रतिक्रिया