राजावादीद्वारा भोलि उपत्यका बन्दको घोषणा

काठमाडौं, १८ जेठ । राजावादी समूहले भोलि उपत्यकाको बन्दको घोषणा गरेको छ ।

आफूहरूको शान्तिपूर्ण आन्दोनमाथि दमन गरेको भन्दै राजसंस्था पुनस्र्थापनाका लागि गठित संयुक्त जनआन्दोलन समितिका संयोजक नवराज सुवेदीले आजएक विज्ञप्ति जारी गर्दै भोलि उपत्यका बन्दको घोषणा गरेका हुन् ।

‘सरकारको बर्बर दमनको विरोध गर्दै हामी आन्दोलनको स्वरुप परिवर्तन गर्न बाध्य भएका छौं । यसै क्रममा भोली जेठ १९ गते हामीले उपत्यका बन्दको घोषणा गरेका छौं,’ सुवेदीले जारी गरेको विज्ञप्तिमा भनेको छ ।