सडक आश्रित मानवहरूको समुचित व्यवस्थापन हुने गरी कानून निर्माण गरिनेछ: प्रधानमन्त्री

काठमाडौं, ४ मंसिर । प्रधानमन्त्री पुष्पकमल दाहाल ‘प्रचण्ड’ ले सडक आश्रित मानवहरूको समुचित व्यवस्थापन हुने गरी कानून निर्माण गरिने बताएका छन् ।

मानवसेवा आश्रमको मेची–महाकाली राष्ट्रिय उद्धार यात्रा कार्यक्रमको समापन कार्यक्रमलाई सोमबार काठमाडौंमा सम्बोधन गर्दै प्रधानमन्त्री प्रचण्डले बेवारिसे, असहाय, अनाथ, अशक्त, जोखिममा परेका सहयोगापेक्षी सडक आश्रित मानवहरुको समुचित व्यवस्थापन गर्न संघीय संसदको आउने अधिवेशनमा सो सम्बन्धी विधेयक पेश गर्ने बताएका हुन् ।

प्रधानमन्त्रीले संघ, प्रदेश र स्थानीय सरकारले सहयोगापेक्षी मानव व्यवस्थापन गर्न आवश्यक बजेट तथा कार्यक्रमको व्यवस्थापन गर्न पनि आफूले समन्वय गर्ने जानकारी दिए । मानव सेवा आश्रमलाई आतिआवश्यक पर्ने भवन, जग्गा, बाहनलगायतका सेवा उपलब्ध गराउन पनि सरकार प्रतिबद्ध रहेको पनि उनले बताए ।

प्रचण्डले सातै प्रदेशमा एक/एक वटा सडक आश्रित मानव उद्धारका सवारी साधन उपलब्ध गराउने घोषणा गरे । सडक मानवमुक्त बनाउने नेपाल सरकारको घोषणा पूरा गर्नका लागि एक महिनाभित्र मन्त्रिपरिषद्बाट निश्चित कार्ययोजना स्वीकृत गर्ने गरी अघि बढ्ने उनले बताए ।

त्यस्तै प्रधानमन्त्री प्रचण्डले मानव सेवा आश्रमका अभियान्ताहरूलाई तत्काल आवश्यक परेको रकम सरकारले सम्बन्धित मन्त्रालयमार्फत् उपलब्ध गराउने पनि बताए ।

उद्धार यात्रामा सडकमा अलपत्र परी बसेका बृद्धवृद्धा, युवा, बालबालिका गरी ३०४ जनाको उद्धार गरिएको मानवसेवा आश्रमले जनाएको छ ।

सरकारले कारागारमा योग शिविर चलाउने



बसाईंसराई रोक्न तीनवटै सरकार सजक हुनुपर्छ: मन्त्री बस्नेत



दुर्गा प्रसाईंका स्वकीय सचिव पनि पक्राउ



हमासको नियन्त्रणबाट विपिन जोशी छुटाउन नेपालले इजिप्टलाई पनि गुहार्‍यो

सिफारिस


जनतामा बढेको अन्योल र निराशा हटाउन एमालेको समृद्धि यात्रा : अध्यक्ष ओली (भिडिओसहित)



कोप–२८ : यस्ता छन् नेपालको प्राथमिकता



जलवायु परिवर्तनको असरबारे नेपालले विश्व सामु आवाज बुलन्द गर्नुपर्छ: केपी शर्मा ओली



दुर्गा प्रसाईं आफ्नै घरमा ‘नजरबन्द’