क्यानोनिङ गर्ने क्रममा लडेर युवतीको मृत्यु

पोखरा, ११ साउन । कास्कीमा क्यानोनिङ गर्ने क्रममा लडेर एक युवतीको मृत्यु भएको छ ।

बुधबार दिउँसो माछापुच्छ्रे गाउँपालिका—९ स्थित घलेलमा  क्यानोनिङ गर्ने क्रममा लडेर पोखरा-२६ बुढीबजारकी २२ वर्षीया अन्जिता भण्डारीको मृत्यु भएको जिल्ला प्रहरी कार्यालयका कास्कीले जनाएको छ ।

क्यानोनिङ गर्ने क्रममा लडेर घाइते भएकी उनको पोखराको मणिपाल अस्पतालमा उपचारको क्रममा मृत्यु भएको प्रहरीले जनाएको छ । घटनाको थप अनुसन्धान भइरहेको प्रहरीले जनाएको छ ।