दार्चुलामा बेवारिसे अवस्थामा बालिकाको शव फेला

खलङ्गा, १० साउन । दार्चुलामा एक बालिकाको बेवारिसे शव फेला परेको छ ।

जिल्लाको व्यास गाउँपालिका–४ डोकटको सुनकोट महाकाली नदी किनार क्षेत्रमा बालिकाको शव फेला परेको जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी ज्ञानेन्द्रबहादुर सिंहले जानकारी दिए ।

उनका अनुसार अन्दाजी १५ वर्षकी बालिका सडेको अवस्थामा शव मंगलबार दिउँसो फेला परेको हो ।

बालिकाको शवलाई भारतीय नागरिकले देखेपछि नेपाल प्रहरीलाई खबर गरेका थिए । घटनाको थप अनुसन्धान भइरहेको प्रहरीले जनाएको छ ।