काठमाडौं, १५ जेठ । कैलालीको टीकापुर हत्याकाण्डका मुख्य दोषी रेशम चौधरी जेलमुक्त भएका छन् ।
गणतन्त्र दिवसको उपलक्ष्यमा पुष्पकमल दाहाल ‘प्रचण्ड’ नेतृत्वको सरकारले गरेको सिफारिसमा राष्ट्रपति रामचन्द्र पौडेलले उनको बाँकी सजाय माफी गरेसँगै चौधरी जेलमुक्त भएका हुन् ।
आज सोमबार बिहान डिल्लीबजार कारागारबाट जेलमुक्त भएपछि उनी घर फर्किएका छन् ।
टीकापुर घटनामा नेपाल प्रहरीका एसएसपी लक्ष्मण न्यौपानेसहित सात जना प्रहरी र एक बालकको सामूहिक निर्मम हत्या भएको थियो ।
जेलमुक्त गरिएका चौधरीलाई लिन उनकी पत्नी तथा नागरिक उन्मुक्ति पार्टीकी अध्यक्ष तथा भूमि व्यवस्था, सहकारी तथा गरिबी निवारणमन्त्री रञ्जिता चौधरी कारागार पुगेकी थिइन् । उनलाई पार्टीका नेता तथा कार्यकर्ताले फूलमाला लगाएर स्वागत गरेका थिए ।
रिहा भएका चौधरी आजै सिधै कैलालीको जानकी गाउँपालिका–६ जगतपुर स्थित घर पुग्ने बताइएको छ ।
हेरौँ उनी जेलबाट छुट्दाका भिडिओ र केही तस्वीरहरू–
प्रतिक्रिया