काठमाडौं, ११ वैशाख । राष्ट्रपति कार्यालय र प्रधानमन्त्री निवास बालुवाटारमा थुप्रिएको फोहोर भोलिदेखि उठाइने भएको छ । सर्वोच्च अदालतले तीनदिनभित्रमा नउठेको फोहोर उठाउन महानरपालिकालाई निर्देशन दिएपछि भोलिदेखि राष्ट्रपति कार्यालय र प्रधानमन्त्री निवास बालुवाटारमा फोहोर उठ्ने भएको हो ।
काठमाडौं महानगरपालिकाका मेयर बालेन साहले तीनदिनभित्र सिंहदरबारको फोहोर उठाउनु भन्ने सर्वोच्च अदालतले दिएकोआदेश पालना गर्ने जनाएसँगै फोहोर उठाउन थालिएको छ ।
परिवर्तन सेवा कम्पनीले आजदेखि फोहोर उठाएको छ । आज सिंहदरबारभित्रको फोहोर उठाइएको छ, १६ दिनमा २५ टन फोहोर उठाएको हो ।
सिंहदरबारको फोहोर उठाउने जिम्मा महानगरले निजी कम्पनीलाई दिएको थियो । परिवर्तन सेवा प्रालिले सिंहदरबार, राष्ट्रपति कार्यालय, बालुवाटारको फोहोर उठाउँदै आएको थियो ।
महानगरका मेयर बालेन साहले गत चैत २५ गते सिंहदरबार, प्रधानमन्त्री निवास र राष्ट्रपति कार्यालयको फोहोर नउठाउन निर्देशन दिएको थियो । मेयर साहको निर्देशनपछि १६ दिनदेखि फोहोर उठ्न छाडेको थियो ।
गत चैत २५ गते मेयर साहले सिंहदरबारको फोहोर नउठाउन निजी कम्पनीलाई निर्देशन दिएसँगै सिहंदरबारको फोहोर उठ्न बन्द भएको थियो ।
सर्वोच्च अदालतले सिंहदरबारबाट नउठाइएको फोहोर ३ दिनभित्र उठाई बिसर्जन गर्न काठमाडौं महानगरपालिकाको नाममा आदेश जारी गरेको थियो।अदालतको आदेश अनुसार आजदेखि नै सिंहदरबारको फोहोर उठाउन थालिएको हो ।
प्रतिक्रिया