काठमाडौँ, १२ वैशाख । नेपाली कांग्रेसबाट गोरखा नगरपालिकाका मेयरका उम्मेदवार विश्वदेव श्रेष्ठ आफ्नै कार्यकर्ताद्वारा कुटिएका छन् ।
उनीमाथि आफ्नै पार्टीका असन्तुष्ट कार्यकर्ताहरुले कुटपिट गरेका हुन् ।
बसपार्कस्थित बैंकरोडमा फोटो खिचिरहेको अवस्थामा श्रेष्ठमाथि कुटपिट भएको हो ।
हालका मेयर राजनराज पन्त पुनः मेयरको उम्मेदवार बन्ने लाइनमा थिए । पन्तले अन्तिम समयमा टिकट खोसेको आरोप लगाएका थिए ।
त्यस्तै, मेयरको उम्मेदवारको टिकटमा असन्तुष्ट कार्यकर्ताले कांग्रेस पार्टी कार्यालय तीनधारेमा पनि ताला लगाएका छन् ।
दुईघण्टादेखि देखिएको विवाद गोरखा बजार अझै तनावग्रस्त छ । कांग्रेस पार्टी कार्यालयमा सुरक्षा तैनाथ गरिएको छ ।
प्रतिक्रिया