धादिङबेसी, २९ भदौ । नेपाली कांग्रेस धादिङको जिल्ला सभापतिका लागि चार जना नेताहरूको नाम चर्चामा आएको छ ।
पूर्वसांसद एवम् पूर्व सभापति रामनाथ अधिकारी, नीलकण्ठ नगरपालिकाका मेयर भीमप्रसाद ढुंगाना, पूर्वमन्त्री दिलमान पाख्रिन र वर्तमान जिल्ला सभापति रमेश धमलाले सभापतिमा दाबी गरेका छन् ।
१३औँ महाधिवेशनमा धादिङमा महामन्त्री शशांक कोइराला निकट मानिने रमेश धमलाले झिनो मतअन्तरले जितेका थिए । धमलासँग ढुंगाना २६ मतले पराजित भएका थिए ।
यस पटक सभापति एवम् प्रधानमन्त्री शेरबहादुर देउवाको समूहबाट ढुंगाना र पाख्रिनको नाम चर्चामा छ ।
ढुंगाना धादिङ कांग्रेसका नेता कार्यकर्ताका बीच अलिक धेरै लोकप्रिय मानिन्छन् । कार्यकर्ताहरूका अनुसार ढुंगानाले नेता कार्यकर्तालाई ठूलो स्वरले कहिल्यै पनि हप्कीदप्की नगर्ने नेतामा पर्छन् ।
नीकलण्ठ नगरपालिकाको मेयर भएका कारण ढुंगानामा कार्यकर्ता संरक्षण गर्नुपर्छ भन्ने भावना अलिक बढि रहेको चर्चा छ ।
जिल्ला अधिवेशनका बेला उम्मेदवारी दिने क्रममा ढुंगाना र पाख्रिनमध्ये एकजनाले सभापतिमा उम्मेदवारी दिनेछन् । ढुंगाना र पाख्रिन मिल्ने नेताहरू हुन् । एकले अर्कालाई राजनीतिमा सधैँ सहयोग गर्दै आएका छन् ।
नेता रामचन्द्र पौडेल समूहबाट पूर्व पार्टी सभापति अधिकारी र हालका सभापति धमलाले उम्मेदवारी दिने चर्चा छ । धमलाले पार्टी सभापतिमा दोहो¥याउन खोजेका छन् । पौडेल समूहबाटै अधिकारीले पनि पुनः सभापति पदमा लोभ देखाएका छन् ।
अधिकारीले दुई पटकसम्म पार्टी सभापति चलाइसकेका छन् । १७/१८ वर्षसम्म धादिङ कांग्रेसको नेतृत्व गरेका अधिकारी प्रतिनिधि सभाका पूर्वसांसद पनि हुन् ।
धादिङका १०४ वटामा वडामा वडा अधिवेशन सम्पन्न भएसँगै जिल्ला सभापतिमा चर्चा शुरु भएको हो । सभापतिमा उम्मेदवार बन्न चाहेकाहरूले प्रचार प्रसार समेत गर्न थालेका छन् ।
धादिङ कांग्रेसमा ढुंगानालाई युवाहरूले अलिक धेरै रुचाउँछन् । ढुंगानाले युवाका साथै गाउँका नेता कार्यकर्तालाई समस्या पर्दा संरक्षण गर्दै आएका छन् ।
वर्तमान सभापति धमला पर्यटन व्यवसायी हुन् । व्यवसायबाट राम्रो पैसा आर्जन गरेका धमला पनि युवाहरूलाई सहयोग गर्छन् । सानो चित्त भएका सभापति धमलाले नेपाल तरुण दल धादिङले गरेको कार्यक्रममा सानो मिस्टेक भएपछि बहिस्कार नै गरेर हिँडेको नमिठो उदाहरण पनि छ ।
पूर्व सांसद अधिकारी सबै पक्षलाई मिलाउन सक्ने क्षमता राख्छन् । गुटभन्दा माथि उठ्न नसक्ने बानी रहे पनि अधिकारी तुलनात्मक रुपमा राम्रो र असल नेतामा गनिन्छन् ।
पूर्वमन्त्री पाख्रिन पनि धादिङमा लोकप्रिय मानिन्छन् । उनले पनि नेता कार्यकर्तालाई संरक्षण गर्ने नेतामा गनिन्छन् । उनलाई जनजाती नेता कार्यकर्ताको अलिक धेरै समर्थन छ ।
धादिङ कांग्रेसलाई मिलाउन नसकेको भनेर हालका सभापति धमलाको बेलाबेला आलोचना हुने गरेको छ । धमलाले धादिङ कांग्रेसमा आफ्ना विरोधीहरूलाई ठेगान लगाउन हदैसम्मको हर्कतहरू गर्ने गरेको आरोप छ ।
महामन्त्री कोइराला निकट भएकै कारण धमलाले बेलाबेला सभापति देउवाविरुद्ध गतिविधि गर्दै आएका छन् ।
हावाबाट कोरोना फैलिएको विश्व स्वास्थ्य संगठनको स्विकारोक्ति
सिन्धुपाल्चोकमा जन्ती बोकेको बस दुर्घटना, ३ जनाको मृत्यु
सलमान खानको घटनापछि बढाइयो शाहरूख खानको सुरक्षा
हार्दिक पाण्डेयलाई १२ लाख जरिवाना
मनकामना केवलकार आज बन्द
इजरायलले गर्यो इरानमाथि आक्रमण
सुनको मूल्य बढ्यो, चाँदीको घट्यो
केकीको ‘बोक्सीको घर’ले पायो युनिभर्सल सर्टिफिकेट
घट्यो डलर, युरो र पाउण्डको भाउ
सगरमाथा आरोहणका लागि तीन सय ५२ आरोहीले लिए अनुमति
एसीसी प्रिमियर कप : तेस्रो स्थानको लागि आज नेपाल र हङकङ खेल्दै
‘ओभर एक्सपोजले अक्षयको फिल्म फ्लप’
आजको मौसम : कोशी, बागमती, गण्डकी र कर्णाली प्रदेशमा वर्षा हुने
एमालेको प्रतिनिधि परिषद् बैठक आजदेखि
