राष्ट्रपति तथा उपराष्ट्रपतिसहित उच्चपदस्थ अधिकारीले पनि खोप लगाउने

काठमाडौँ, १९ फागुन । राष्ट्रपति, उपराष्ट्रपति र प्रधानन्यायाधीशले कोभिडढ १९ विरुद्धको खोप लगाउने भएका छन् ।

उनीहरु लगायतका उच्चपदस्थ अधिकारीहरुले फागुन २३ गते कोरोनाविरुद्धको खोप लगाउने स्वास्थ्य मन्त्रालयका सचिव लक्ष्मण अर्यालले जानकारी दिएका हुन् ।

सांसदहरुले भने बानेश्वरस्थित सिभिल अस्पतालमा वुधबारबाटै खोप लगाउन सुरु गरेका छन् ।

फागुन २३ गते प्रतिनिधिसभा बैठक बस्ने भएकाले सचिवालयले त्यस अघि नै सांसदरुहलाई खोप लगाउने भएको हो । राष्ट्रपति, उपराष्ट्रपति र प्रधानन्यायाधीशलाई भने उनीहरुकै कार्यालयमा पुगेर खोप लगाइने स्वास्थ्य मन्त्रालयले जनाएको छ ।