काठमाडौँ, १० फागुन । विवेकशील साझा पार्टीका अध्यक्ष रवीन्द्र मिश्रले प्रधानमन्त्री केपी शर्मा ओली र कांग्रेसका सभापति शेर बहादुर देउवालाई नख्खु जेलमा कोच्ने चेतावनी दिएका छन् ।
सोमबार काठमाडौँको शान्ति वाटिकामा प्रधानमन्त्री ओलीको असंवैधानिक कदमविरुद्ध आयोजित विरोध सभालाई सम्बोधन गर्दै अध्यक्ष मिश्रले आफ्नो पार्टी सरकारमा पुग्ने बित्तिकै भ्रष्ट ओली र देउवालाई अख्तियार र सर्वोच्च अदालतमा लगेर उपचार गर्ने बताएका हुन् ।
उनले भने, ‘बालुवाटारबाट बालकोट जाने नेतालाई हामी सबभन्दा पहिला अख्तियार र सर्वोच्चमा उपचार गर्छौँ, त्यसपछि आराम गर्न उहाँलाई नख्खु जेलको चौरमा पुर्याउँछौँ ।’
उनले थपे, ‘नख्खु जेलको चौरमा जिन्दगीभर उहाँहरूले आराम गरेर बिताउनु हुनेछ । आफ्नो पार्टी देशभक्तिको धरातलमा उभिएकाले संख्यामा सानो भए पनि एजेन्डामा अग्रणी रहेको भन्दै आफूहरू ठुला कुरा गर्न नहिचकिचाउने बताए ।’
दलहरूले न्यायालयमा समेत भागबन्डा गरेकाले सर्वोच्चमा पार्टीका कार्यकर्ता पुग्ने गरेको भन्दै अध्यक्ष मिश्रले न्यायालयमाथि नै कालो पोतिएको बताए ।
राज्यका हरेक निकायहरू पार्टीका भागबन्डा मै गाँजिएकाले देशले दुख पाएको बताउँदै अध्यक्ष मिश्रले समतामूलक समृद्धिको लागि नागरिकले पनि मन र मत परिवर्तन गर्नुपर्नेमा जोड लिए।
हार्दिक पाण्डेयलाई १२ लाख जरिवाना
मनकामना केवलकार आज बन्द
इजरायलले गर्यो इरानमाथि आक्रमण
सुनको मूल्य बढ्यो, चाँदीको घट्यो
हेलिकोप्टर दुर्घटनामा केन्याका सेना प्रमुखको निधन
त्रिभुवन विमानस्थलबाट ८५० ग्राम सुनसहित महिला पक्राउ
शपथ लिएकै भोलिपल्ट सुदूरपश्चिमका मुख्यमन्त्री सोडारी अल्पमतमा
अवैध औषधि बेच्ने दुई मेडिकल बन्द
आज काठमाडौंका यी स्थानमा विद्युत सेवा अवरुद्ध हुने
‘पुजार सार्की’को पहिलो गीत ‘दर्शन गरेँ’ सार्वजनिक
दूधमा पनि बर्डफ्लुको भाइरस फेला
आईपीएल : लखनउले चेन्नईलाई हरायो
केकीको ‘बोक्सीको घर’ले पायो युनिभर्सल सर्टिफिकेट
घट्यो डलर, युरो र पाउण्डको भाउ
