आइतबार १०४ जनामा कोरोना, १३१ जना निको, १६ सय सक्रिय संक्रमित

काठमाडौँ, २ फागुन । नेपालमा पछिल्लो २४ घण्टामा थप १ सय ४ जनामा कोरोनाभाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले करिब ३ हजारको परीक्षण गर्दा गत २४ घण्टामा थप १ सय ४ जनामा कोरोना पुष्टि भएको जनाएको छ ।

यससँगै कुल संक्रमितको संख्या २ लाख ७२ हजार ७ सय ७८ जना पुगेको मन्त्रालयले जनाएको छ ।

पछिल्लो २४ घण्टामा थप १ सय ३१ जना कोरोनामुक्त भएका छन् । योसहित निको हुनेको संख्या २ लाख ६९ हजार ६० जना पुगेको छ ।
देशभर सक्रिय संक्रमितको संख्या १ हजार ६ सय ४ जना रहेको छ ।

हालसम्म मृत्यु हुनेको संख्या २ हजार ५४ जना पुगेको मन्त्रालयले जनाएको छ ।

हालसम्म नेपालमा २१ लाख १७ हजार ५० जनाको पीसीआर परीक्षण भइसकेको छ ।