जसको कोही छैन, त्यसका लागि सरकार छ, हरेश नखानुस्: प्रधानमन्त्री ओली

काठमाडौँ, ११ माघ । प्रधानमन्त्री केपी शर्मा ओलीले जसको कोही छैन त्यसका लागि सरकार भएको बताएका छन् ।

काठमाडौँमा आयोजित एक साक्षात्कार कार्यक्रममा सम्बोधन गर्दै प्रधानमन्त्री ओलीले शारीरिक रुपमा अशक्त भएकाहरुको सरकारले सबै व्यवस्थापन गर्ने बताएका हुन् ।

‘जसका लागि कोही छैन, त्यसको लागि सरकार रहेको छ’ उनले भने ।

कार्यक्रममा उनले भने, ‘सरकारका केही कामहरु हुन्छन् । देशको भूमिको रक्षा गर्नु, सार्वभौमिकताको रक्षा गर्नु, देशको हितको रक्षा गर्नु, गौरब गर्नु सरकारको काम हो । तर, सरकारको काम यति मात्र पनि होइन, देशमा सुशासन कायम गर्ने, जनताको समस्या के हो त्यसको पहिचान गरी त्यसको समाधान गर्ने पनि हो ।’

उनले शारीरिक अपगङ्गता भएका र आर्थिक अवस्था कमजोर भएका परिवारमा निकै समस्या हुने भन्दै उनीहरुलाई सरकारले झन् सहयोग गर्ने बताए ।

त्यस्तै, उनले हिजोआज सडकमा बालबालिका नभएको बताए । ‘हिजो सडकभरि बालबालिका हुन्थे त्यसलाई खाते भनेर अपमान गरिन्थ्यो । तर अहिले सडकमा खाते छैनन्,’ ओलीले भने, ‘सडकमा बालबालिका हुने छैनन् । ती सबै बालबालिका लागि अभिभावकका रुपमा सरकार रहेको छ ।’

त्यस्तै, प्रधानमन्त्री ओलीले शारिरीक रुपमा अशक्त रहेकालाई हरेश नखान समेत प्रेरणा दिए । ‘अलिकति प्रतिकूलता भयो, कहिले प्रकृतिक रुपमा भएको होला, कहिले अन्य कारणले भएको होलान् । नहुनुपर्ने भयो, अब त्यसका लागि हरेस नखानु । तपाईंहरुको लागि सरकार छ,’ उनले भने ।

उनले स्टेफन हकिन्स र झमक घिमिरेको उदाहरण दिँदै देशको विकास फरक क्षमता भएकाले पनि गर्न सक्ने बताए ।

गेष्ट हाउसमा महिला र पुरुष मृत फेला, छोरी सकुशल



सहकारी ठगेर भागेकाहरुको सम्पत्ति बेचेर भएपनि बचत फिर्ता गरिन्छ : गृहमन्त्री



हीनताबोध नगरौँ, नवीन समझदारी गरेर राजसंस्थाको पुनःस्थापना गरौँ : राजेन्द्र लिङ्देन



उपनिर्वाचन- रास्वपालाई सहकारीको पिछा, मत जोगाउन व्यस्त एमाले-कांग्रेस

सिफारिस


पूर्वराष्ट्रपति भण्डारी ‘गणतन्त्र गौरव सम्मान’बाट सम्मानित



एमालेद्वारा १५ बुँदे प्रस्ताव पारित, सत्ता सहकार्यलाई कमजोर पार्ने काम नगर्न आग्रह



एमाले प्रतिनिधि परिषद् बैठक : अनैतिक, भ्रष्ट र अनुशासनहीन क्रियाकलाप नियन्त्रणमा जोड



एमाले अध्यक्ष ओली बिरामी, वरिष्ठ उपाध्यक्षको अध्यक्षतामा प्रतिनिधि परिषद्को बैठक सुरू