पोखरा, ९ साउन । गण्डकी प्रदेशमा कोरोनाका थप १० नयाँ संक्रमित थपिएका छन् । प्रदेशका ४ जिल्लामा गरि १० संक्रमित थपिएको स्वास्थ्य निर्देशनालय गण्डकीले जानकारी दिएको छ ।
निर्देशनालयका अनुसार कास्की, लमजुङ, बागलुङ र तनहूँका १० जनामा संक्रमण पुष्टि भएको हो । थपिएका संक्रमितमध्ये कास्कीको अन्नपूर्ण गाउँपालिकामा १ जना पुरुष र एक जना महिला छन् । यसैगरी, पोखरा महानगरपालिकामा ३ जना पुरुषमा कोरोना संक्रमण पुष्टि भएको हो ।
लमजुङको क्होलासोथर, मध्यनेपाल र बेंसीसहरमा १/१ गरी ३ जना संक्रमित थपिएका छन् । बागलुङको तमानखोला र तनहूँको शुक्लागण्डकीमा १/१ जना पुरुष संक्रमित फेला परेका छन् ।
योसँगै गण्डकी प्रदेशमा कोरोना संक्रमितको संख्या १ हजार ३६० पुगेको छ ।
प्रतिक्रिया
सम्बन्धित
सिफारिस