काठमाडौं, ५ साउन । काठमाडौंको नागढुंगा सडक एकतर्फी सञ्चालनमा आएको छ ।
नागढुंगा नजिकै नागमन्दिर छेउ र झ्याप्ले खोलामा सडकमातिबाट खसेको ठूलो ढुंगाले अवरुद्ध बनाएको सडक केहीबेर अघिदेखि एकतर्फी सञ्चालनमा आएको हो ।
तर, धादिङ र चितवनको सिमानामा पर्ने मौवा खोलाको पुल बाढीले बगाएपछि अवरुद्ध सडक खुलाउन भने समय लाग्ने प्रहरीले जनाएको छ ।
बाढीले क्षति पुर्याएको चितवन र धादिङको सीमानास्थित मौवाखोला पुलमा ग्याभिन भरेर सडक सञ्चालन गर्ने तयारी भएको छ ।
बाढीले भत्काएको भागमा नेपाली सेनाको सहयोगमा ग्याबिन जाली भर्ने तयारी भइरहे पनि निरन्तरको वर्षाका कारण काम गर्न असहज भइरहेको बताइएको छ ।
सोमबारको बाढीले उक्त पुलको १२ मिटर भन्दा धेरै भाग बगाएर लगेको थियो ।
प्रतिक्रिया