दार्चुला, १७ चैत । दार्चुलाको सीमानाकामा अलपत्र परेका पाँच सय नेपालीले नाराबाजी गरेका छन् । भारतका विभिन्न स्थानबाट नेपाल आएका उनिहरु नेपाल छिर्न नपाएपछि नाराबाजीमा उत्रिएका हुन् ।
भारतमा लगडाउनका कारण स्वदेश फर्किएका पाँच सय नेपाली नेपालमा पनि लकडाउनका कारण नेपाल प्रवेश गर्न पाएका छैनन् ।
भारतका विभिन्न शहरमा काम गर्ने उनीहरु भारतमा लकडाउन भएसँगै घर फर्किएका थिए ।
महाकाली पुलको गेट नखोलेसँगैं नेपाल प्रवेश गर्न नपाएका उनीहरु अलपत्र परेका हुन् । कोरोना भाइरसको संक्रमण बढेसँगै नेपालले पनि सीमा बन्द गरेको छ ।
सीमा पारी पाँचसय जना जति छन् तिनीहरुलाई ल्याएर राख्ने क्वारेन्टाइन नभएकाले गेट बन्द गर्नुपरेको प्रमुख जिल्ला अधिकारी यदुनाथ पौडेलले बताए ।
प्रतिक्रिया
सम्बन्धित
सिफारिस