काठमाडौँ, २९ असार । राष्ट्रिय प्रजातन्त्र पार्टी (प्रजातान्त्रिक) ले बाढी, पहिरो र डुबानका कारण भएको जनधनको क्षतिप्रति दुःख व्यक्त गरेको छ ।
राप्रपा (प्रजातान्त्रिक) ले शुक्रबार एक प्रेस विज्ञप्ती जारी गर्दै बाढीपहिरो पीडितहरुलाई तत्काल राहत उपलब्ध गराउन सरकारसँग माग पनि गरेको छ ।
कुनै पनि पीडित नागरिकलाई सरकारले न्यायपूर्ण ढङ्गबाट राहत तथा उद्धार गर्नु पर्ने प्रवक्ता राजेन्द्र गुरुङद्धारा जारी विज्ञप्तीमा उल्लेख गरिएको छ ।
फरक प्रसंगमा स्वास्थ्य क्षेत्र जस्तो संवेदनशील क्षेत्रमा कार्यरत स्वास्थ्यकर्मीलाई सरकारले अपहरण शैलीमा सोधपुछ र अपमान गर्ने प्रवृत्तिको आफूहरुले विरोध गर्ने प्रवक्ता गुरुङले जनाएका छन् ।
प्रतिक्रिया