मैतीदेवी केन्द्रबाट मत दिँदै गगनले भने, ‘चुनाव सफल बनाउनु छ’

काठमाडौं, ३१ वैशाख । नेपाली कांग्रेसका युवा नेता तथा स्वास्थ्यमन्त्री गगनकुमार थापाले काठमाडौंको मैतीदेवीस्थित मतदान केन्दमा पुगेर मत खसालेका छन् ।

बिहान करीव एघार बजेतिर मतदान केन्द्रमा पुगेका मन्त्री थापाले मतदान गरेका हुन् ।

मत खसालेपछि संक्षित प्रतिक्रिया दिँदै मन्त्री थापाले लामो समयपछि भएको स्थानीय निर्वाचनमा जनताको उल्लेख्य सहभागिता आफूले पाएको बताए । उनले भने, ‘निर्वाचनमा जनताको उल्लेख्य सहभागिता पाएको छु ।’

उनले आफूलाई मन पर्ने मतदातालाई मतदान गरेर स्थानीय तहको निर्वाचन सफल बनाउन अपील पनि गरेका छन् ।