नयाँदिल्ली, २५ चैत । बङ्लादेशका प्रधानमन्त्री शेख हसिना चार दिने औपचारिक भ्रमणका लागि शुक्रबार नयाँदिल्ली आइपुग्नु भएको छ ।
उहाँलाई भारतका प्रधानमन्त्री नरेन्द्र मोदीले नयाँदिल्ली विमानस्थलमा स्वागत गर्नुभएको थियो ।
भ्रमणका क्रममा हसिनाले भारतका समकक्षी मोदी, राष्ट्रपति, उपराष्ट्रपतिलगायतका उच्च राजनीतिक व्यक्तिसँग भेटबार्ता गर्नुहुने कार्यक्रम रहेको जनाइएको छ ।
भारत र बङ्लादेशले नागरिक आणविक उर्जासम्वन्धी सम्झौतापत्रमा हस्ताक्षर पनि गर्ने तयारी भएको छ ।
भारत र बङलादेशका सहरबाट एक आपसमा आवतजावत गर्नेगरी बस र रेल सेवा सुरु गर्ने बारेमा पनि दुवै देशले तयारी गरेका छन् ।
दुई देशबीचको व्यापार बढाउने बारेमा पनि विभिन्न तहमा छलफल गर्ने तयारीका साथ हसिना चार दिने भ्रमणका लागि भारत आइपुग्नु भएको हो । – सिन्ह्वा
प्रतिक्रिया