काठमाडौं, २ माघ । नयाँ शक्ति पार्टी नेपालका संयोजक बाबुराम भट्टराईले संयुक्त लोकतान्त्रिक मधेसी मोर्चाका नेताहरूलाई मुलुकको पछिल्लो राजनीतिक अवस्थाका विषयमा छलफल गर्न बोलाएका छन् ।
काठमाडौंको बबरमहलमा अपरान्ह चार बजे हुने संयुक्त छलफलमा मुलुकको समग्र राजनीतिक विषयमा परामर्श हुने राष्ट्रिय मधेस समाजवादी पार्टीका महासचिव केशव झाले जानकारी दिए । ‘बाबुराम भट्टराईज्यूले मुलुकको पछिल्लो राजनीतिक अवस्थाका विषयमा छलफल गर्न बोलाउनु भएको छ’, उनले भने ।
यसअघि पनि मधेसी मोर्चाका नेताहरूसँग पटक पटक परामर्श गरिसकेका भट्टराईले संविधान संशोधनमा समर्थन जनाउँदै आएका छन् ।
उनले आदिवासी जनजाति, मधेसी, थारुलगायतका अधिकारहरूका पक्षमा आफू रहेको बताउँदै आएका छन् । छलफलमा राजनीतिक रुपमा सहकार्य गरेर अगाडि बढ्ने विषयमा पनि छलफल हुन सकने बुझिएको छ ।











प्रतिक्रिया