‘चार दलले सर्वोच्चको फैसला मान्नुपर्छ’

वीरगन्ज (पर्सा), १२ असार । तराई–मधेस लोकतान्त्रिक पार्टीका सहअध्यक्ष हृदयेश त्रिपाठीले जबर्जस्ती बहुमतको खेलमा संविधान जारी गर्ने प्रयास भए संविधानसभाबाट नै आफूहरु अलग हुने चेतावनी दिनुभएको छ ।

सो पार्टी पर्साले आज यहाँ आयोजना गरेको पत्रकार सम्मेलनमा नेता त्रिपाठीले सहमतीय आधारबाट पूर्ण संविधान जारी गर्नुपर्नेमा जोड दिनुभयोे ।

चार राजनीतिक शक्तिका बीचमा भएको १६ बँुदे सहमतिलाई सर्वोच्च अदालतले नै अवैध भनिसकेका कारण त्यसको औचित्य सकिएको बताउँदै उहाँले न्यायालयको फैसला मान्नाको विकल्प कसैसँग छैन भन्नुभयो । “नामाङ्कन र सीमाङ्कनसहित पहिचानसहितको संविधान चाहिन्छ” उहाँले भन्नुभयो । रासस