काठमाडौं, ५ वैशाख । नेपाल टेलिकमले स्वास्थ्य तथा जनसङ्ख्या मन्त्रालयमार्फत देशभरका ५२ हजार समुदायिक महिला स्वास्थ्य स्वयंसेविकालाई रु १०० ब्यालेन्ससहितको निःशुल्क सिमकार्ड/रिमकार्ड वितरण गर्ने भएको छ ।
सो सेवासम्बन्धी समझदारीपत्रमा आज मन्त्रालयका सचिव शान्ताबहादुर श्रेष्ठ र टेलिकमका प्रबन्ध निर्देशक बुद्धिप्रसाद आचार्यले हस्ताक्षर गर्नुभयो ।
सचिव श्रेष्ठले महिला स्वास्थ्य स्वयमसेविकाले निर्वाह गर्ने भूमिकालाई थप प्रभावकारी बनाउने विश्वास व्यक्त गर्नुभयो ।
प्रबन्ध निर्देशक आचार्यले ग्रामीण क्षेत्रका सर्वसाधारणको स्वास्थ्यमा ठूलो योगादान पु¥याउँदै आएका स्वयम्सेविकालाई सहयोग गर्नु टेलिकमको पनि जिम्मेवारी भएको बताउनुभयो ।
प्रतिक्रिया