चितवन, १७ चैत । नेपाली काँग्रेसका केन्द्रीय सदस्य तथा पूर्व गृहमन्त्री खुमबहादुर खड्काले वर्तमान समयमा देश सङ्कटमा फस्दै गएको बताउनुभएको छ ।
मंगलबार वीरेन्द्र बहुमुखी क्याम्पस चितवनको नेविसङ्घ एकाइको विविध सिर्जनात्मक कार्यक्रमको उद्घाटन गर्दै देश संकटमा फसेकाले यो समयमा काँग्रेसले मात्रै सङ्कटको निकास दिने र देशको विकास गर्नसक्ने नेता खड्काले दाबी गर्नुभयो ।
कांग्रेस पार्टी देशलाई निकास दिन अगाडि बढेको र छिट्टै समस्या समाधान हुने उहाँको भनाई थियो ।
देश भयावह सङ्कटमा फस्दै गएको भन्दै लोकतान्त्रिक व्यवस्था बचाउन आवश्यक परे आन्दोलनमा समेत जानुपर्ने अवस्था आउन सक्ने नेता खड्काले बताउनुभयो ।
आठ वर्षमा पनि नेवि सङ्घको अधिवेशन हुन नसकेको तथा तरुण दल र महिला सङ्घको समेत अधिवेशन हुन नसकेकोमा उहाँले दुःख व्यक्त गर्नुभयो ।
प्रतिक्रिया