काठमाडौं, २१ फागुन । विश्वकप क्रिकेट प्रतियोगितामा विहीवार बंगलादेशले कठिन जित हात पारेको छ । अन्तिम समयममा स्कटल्याण्डलाई ६ विकेटले पराजित गर्दै बंगलादेश विजयी भएको हो ।
टस हारेर पहिला व्याटिङमा उत्रिएको स्कटल्याण्डले निर्धारित ५० ओभरको खेलमा ८ विकेट गुमाउँदै ३१८ रन बनाएको थियो ।
३१९ रन लक्ष्यसहित जवाफी व्याटिङमा उत्रिएको बंगलादेशले ४८.१ ओभरमा ४ विकेट गुमाउदै लक्ष्य भेट्टायो । स्कटल्यान्डका लागि क्याइले कोट्जेरले सर्वाधिकर १ सय ५६ रन बनाएर किर्तिमान राखे । प्रेस्टन मोमसेनले ३९ रन बनाए । म्याट म्याछनले ३५ तथा रिचिइ बेरिङटनले २६ रन बनाएका थिए ।
बंगलादेशलका तस्किन अहमदले ३ विकेट लिए भने नासिर होसिइनले २ तथा मसार्फी मोर्ताजा, सकिब अल हसन र सबिर रहमानले समान १–१ विकेट लिए ।
तमिम इकवाल र महमुदुल्लाहको १३९ रनको उत्कृष्ट साझेदारीले बंगलादेशले जितको बाटो तय गरेको थियो । महमुदुल्लाह ६२ रनमा आउट भएवछि तमिमले मुस्फिकर रहिमसँग ५७ रनको साझेदारी गर्दै बंगलादेशको स्कोर उच्च बनाए ।
तमिमले १०० बलमा नौ चौका र एक छक्का प्रहार गर्दै ९५ रन बनाए । रहिमले ४२ बलमा ६० रन बनाएका थिए । सकिव ५२ र सविर ४२ रन बनाएपछि टिमले विजय छोपेको थियो ।
प्रतिक्रिया