रजनी थापाले जितिन् अन्तर्राष्ट्रिय सुन्दरी अवार्ड (फोटोफिचरसहित)

मलेसिया। मिसेज नेपालको दोस्रो संस्करणकी विजेता रजनी थापाले मलेसियामा सम्पन्न ‘मिसेस युनिभर्स २०१४’ मा नेपालको प्रतिनिधित्व गर्दै मिसेज ब्युटिफुलको उपाधि आफ्नो पोल्टामा पार्न सफल भएकी छिन् ।

अगष्ट २९ मा मलेसियाको क्वालालाम्पुर शहर स्थित सन वे रिर्सोट होटेलमा सम्पन्न भएको फाइनल प्रतियोगितामा विभिन्न ६३ देशका सुन्दरीहरूबीचको प्रतिस्पर्धामा रजनीले यो उपाधि पाएकी हुन् ।

इम्प्लानेटका अध्यक्ष सन्तोष सापकोटाका अनुसार, ६३ देशका सहभागी र मलेसिया लगायत विभिन्न देशका लगभग ३ हजार दर्शक सामु नेपालकी प्रतियोगी रजनीले नेपालको झन्डा फहराउँदै आपनो प्रतिभा प्रस्तुत गरेकी थिइन् । यसअघि ‘मिसेस ग्लोब २०१३’ मा नेपालका तर्फबाट सहभागी बनेकी रजनीले ‘मिसेस फिलेन्थ्रोपी’ विधाको अवार्ड जितेकी थिइन् ।

यसअघि सोही प्रतियोगितामा सहभागी नेपालकी ४४ वर्षीया मिना घिमिरेले ‘मिसेज इन्टेलिजेन्स’ को उपाधी हात पार्न सफल भएकी थिइन् ।