बिहीबार, २ असोज २०७६
DainikNepal.com
बिहीबार, २ असोज २०७६

सिरियाली आदीवासीले १८ सशस्त्र विद्रोही लडाकुहरूलाई मारे

दैनिक नेपाल २०७१ भदौ ८ गते १५:४२

Kurdish Peshmerga fighters walk in the outskirts of Gwer town after the Islamic State (IS) insurgents withdrewदमासकस, ८ भदौं । सिरियाली आदीवासीहरूले इस्लामिक स्टेट (आइएस) का १८ जना सशस्त्र विद्रोही लडाकुहरूलाई मारेको सिरियाको राष्ट्रिय टेलिभिजन प्रशारणले जनाएको छ ।

उकेदात जातीय आदीवासीका नेता शेख खालिल जादानलाई आइएस लडाकूहरूले गरेका अपहरणपछि क्रुद्ध आदीवासीहरूले १८ जना विद्रोहीलाई मारी आफ्ना नेतालाई सकुशल मुक्त गरेको उक्त प्रशारणले बताएको छ ।

राजधानी सिरियाको पूर्बी इन्धनस्रोतको धनी प्रान्त डिएर अल जौकबाट  दमासकस जाँदै गरेका आदीवासी नेतालाई मार्ने उद्देश्यले  आइएस लडाकूहरूले ठाउँ ठाउँमा एम्बुस धराप थापेको सरकारी समाचार समिति सानाले समेत जनाएको छ ।

नेता जादान केही समयपहिला सिरियाली संसदको सदस्य समेत रहेका जनाइएको छ । डिएर अल जौरमा बसोवास गर्ने आदीवासी मध्ये विगत दुई हप्तामा करिब सातसय जनालाई आइ एस विद्रोहीले हत्या गरिसकेको जनाइन्छ ।

सो प्रान्तको  अधिकांश भाग विद्रोहीर्कै कब्जामा रहेको छ । विद्रोहीहरूले आदीवासीसँग लगातार गृहयुद्ध गर्दै आएका र ठूलो सङ्ख्यामा बन्दी समेत बनाइएका छन् ।

त्यसैगरी राज्यद्वारा सञ्चालित सञ्चार संस्था सानाले जनाएअनुसार गत शनिबार नै सोही प्रान्तको पूर्वीय ग्रामीण इलाका ग्रीनीज उपनगरमा आइएस विद्रोहीले चारजनाको हत्या गरेको र उनीहरूको शवलाई उपनगरको मुख्य चोकमा लगी क्षतविक्षित पार्दै प्रदर्शन गरेका थिए ।

अबु बकर अल बग्दादीको नेतृत्वमा गठन भएको इस्लामिक स्टेट इन इराक एण्ड द लिभ्यान्ट नामक आतङ्ककारी संगठनले नाम परिवर्तन गरी इस्लामिक स्टेट ९आइएस० मात्र राखेको छ ।

यस संगठनले ७० हजार सशस्त्र समर्पित लडाकूहरूको दस्ता तयार पारेको दाबी  गरेको छ ।

पश्चिममाहरूसँग निकट  सम्बन्धराख्ने अन्य अरबी राष्ट्रहरूसँग  झुकाव नराखी इराक सिरिया र वरपरका कट्टरपन्थी मुसलमानी राष्ट्रहरूलाई मिलाई एउटा स्वतन्त्र अस्तित्वसहितको वृहत इस्लामिक राज्यको यसले परिकल्पना गरेको समेत जनाइएको छ । – सिन्ह्वा

प्रतिक्रिया
सम्बन्धित