काठमाडौँ, ६ भदौं । इटालीका फुटबल खेलाडी मारियो बालोटेली इंग्लिस क्लब लिभरपुलमा आबद्ध हुने भएका छन् ।
बालोटेलीलाई लिभरपुलमा पठाउन इटालियन क्लब एसी मिलान सहमत भएको बताइएको छ ।
बालोटेलीको स्थानान्तरण सम्बन्धमा एसी मिलान र लिभरपुलबीच १६ मिलियन पाउन्डको सहमति भएको छ ।
यद्यपि, लिभरपुलसँग बालोटेलीको व्यक्तिगत सम्झौताहरु हुन भने बाँकी नै छन् ।
गत सिजन इटालियन क्लब एसी मिलानको लागि ३० गोल गरेका बालोटेली एक सिजन पहिले इंग्लिस क्लब म्यानचेस्टर सिटीबाटै खेलेका थिए ।
इंग्लिस फुटबल समर्थकहरुमाझ निकै लोकप्रिय बालोटेली आफ्नो रिसाहा स्वाभावको कारण भने बारम्बार आलोचित बन्दै आएका छन् ।
उनी थुप्रै पटक अनुशासनको कारबाहीमा समेत परिसकेका छन् ।
प्रतिक्रिया